Thursday, February 28, 2013

සිංහයා මිය ගිය වග




සිංහයා මිය ගිය වග
අසා යළි ගල් දොර හැර
සිහබා කුමරු තෙම
දෙන අසබඩට පැමිණෙයි

මහළු සුප්පාදේවිය
කම්පිතව වැළපෙයි
සිහසීවලී කුමරිය
කඳුළු කැට වගුරයි

වැදි රජු අතැර ගිය
වන බිම තනිව හමුවුණු
මනමෙ කුමරිය සිහබා
ඇඹේනිය වී ඇත

වියපත් සිංහ පියතුම
දෙණ දෙස සොවින් නෙත් දී
සිහබා කුමරු තෙම
යළි ගල් ලෙනට පිවිසෙයි

දහස් නාටකවල
වැදි රජු අතැරි කුමරිය
සිහබා සමග යළි ගොස්
ගල් ලෙනට වැද සැඟවෙයි

මහළු සුප්පාදේවිය
දෙන ළඟ සොවින් වැළපෙයි
සිහබා කුමරු තෙම
ගල් දොර වසා සැඟවෙයි

ඇට තුළට වන් සෙනෙහස
සොයා ගම් බිම් සැරිසරා ආ
පියතුම සොවින් මළ වග
ලියූ නාටකයක් නැත

ගල් ලෙන බිඳ දමාගෙන
ගල් දොර හැර පියාගෙන
ගිය කුමරුවෙක් නැත
දොර නොහැරියා මිස

- මෙය සෙවණැලි කවියක් නොවේ -

No comments:

Post a Comment