කවියකට පුළුවන්

කවියකට පුළුවන්
කිසිම දවසක හමු නොවුණු නුඹ
නික්ම ගිය පසුවත්
මා අභියසට ගෙන එන්න...

ඒ කවි පදයකට පුළුවන්
කිසිම දවසක හමු නොවුණු නුඹ
හදවතෙහි බර කොපමණ දැයි
කිරා මැන මට දෙන්න...

ඔව්...
කවියෙකුට විතරයි පුළුවන්
මරණයට පෙර හමු නොවුණු
කෙනෙක් ළඟ කවි පද
දෙක තුනක් තියමින්
ජීවිතය මුමුණන්න...

කවියෙකුගෙ මරණයට විතරයි
ඇත්තටම පුළුවන්
පදරුත් එකට යා කර
ජීවිතය ලියවන්න...

සටහන: මේ කවිය මා‘තින් ලියැවෙන්නේ ඉන්දික ගුණවර්ධන නමැති තරුණ කවියාගේ අකල් මරණය අසන්නට ලැබුණු පසු ය. මට ඔහු කිසි දින හමුවී නැත.