Saturday, June 22, 2019

අද වගේ දවස්වල...!


 (28/01/2019 දිනට යෙදුණු ධර්මසේන පතිරාජයන් සමුගෙන ගොස් වසරක් පිරීමේ සිහිකැඳවීම වෙනුවෙන් ලියැවුණකි.)















ඉඳහිට මුණගැහෙන
අද වගේ දවස්වල
මම හරිම කැමතියි
පැත්තකින් හිටගන්න

අද වගේ දවස්වලට පුළුවන්
අපිව ආපහු හරවන්න

කිසිම ඉසිඹුවකට ඉඩ නැතිව
වේගෙන් දුවන කාලය
හිටි පියවර තියන
අද වගේ දවස් කදිමයි
අතීතය විමසන්න

අද වගේ දවස්වලට පුළුවන්
අපිව ආපිට කැඳවන්න

කාලය ඒ හැටි දෙයක් නෙවෙයි
අවුරුද්ද තත්පරයක්වත් නෙවෙයි
‘ජීවිතය‘ කියා නොදී
හැඟෙන්නට ඉඩ හැරි නුඹ
සමු නොගෙන සමුගත්
අද වගේ දවසක්
නිකම්ම නිකම් දවසකුත් නෙවෙයි

ඉඳහිට මුණගැහෙන
අද වගේ දවසක්...



No comments:

Post a Comment